កិច្ចប្រជុំសម្រាប់សមាជិករបស់អង្គការ គ.ស.ក លើកទី២៨៤ ស្ដីពី “យន្តការហិរញ្ញវត្ថុចម្រុះសម្រាប់ភាពធន់របស់អង្គការសង្គមស៊ីវិល”

ក្នងពេលដែលការអភិវឌ្ឍសកលកំពុងមានការប្រែប្រួល ការទទួលបានជំនួយមូលនិធិអភិវឌ្ឍន៍កាន់តែមានភាពប្រកួតប្រជែងខ្លាំងឡើង។ គំរូហិរញ្ញប្បទាន ដែលប្រកបដោយចីរភាពអាចជាជម្រើសសម្រាប់អង្គការសង្គមស៊ីវិលដើម្បីបំពេញបន្ថែមមូលនិធិជំនួយធម្មតា និងអនុញ្ញាតឱ្យពួកគេធ្វើពិពិធកម្មធនធានសម្រាប់ការកសាងភាពធន់របស់ខ្លួន។ ដូច្នេះ គណៈកម្មាធិការសហប្រតិបត្តិការសម្រាប់កម្ពុជា (គ.ស.ក) បានរៀបចំកិច្ចប្រជុំសមាជិកលើកទី 284 ក្រោមប្រធានបទ "ទម្រង់ហិរញ្ញវត្ថុចម្រុះសម្រាប់ភាពធន់របស់អង្គការសង្គមស៊ីវិល" នៅថ្ងៃទី 29 ខែកញ្ញា ឆ្នាំ 2026 ជាមួយនឹងអ្នកចូលរួមសរុបចំនួន ៦៤ (២៧ ស្ត្រី) មកពីអង្គការសមាជិក។

នៅក្នុងកិច្ចប្រជុំនេះ ស្ថាប័នពីរបានចែករំលែកបទពិសោធន៍របស់ពួកគេអំពីវិធីសាស្រ្តហិរញ្ញវត្ថុចម្រុះ។ អង្គការGood Return បានចែករំលែកអំពីImpact Investment Fund ដំណោះស្រាយហិរញ្ញវត្ថុប្រកបដោយភាពច្នៃប្រឌិតដើម្បីបង្កើនលទ្ធភាពទទួលបានហិរញ្ញប្បទានរបស់ សហគ្រាសខ្នាតតូច និងមធ្យម (MSME)។ អង្គការ International Development Enterprises (iDE) Cambodia បានបង្ហាញវិធីសាស្រ្តអភិវឌ្ឍន៍តាមបែបប្រព័ន្ធទីផ្សារ ឧទហរណ៍នៃសហគ្រាសសង្គម និងមូលបត្រអភិវឌ្ឍន៍អនាម័យជនបទកម្ពុជា និងមេរៀនសំខាន់ៗសម្រាប់អង្គការសង្គមស៊ីវិល។

ទម្រង់ហិរញ្ញវត្ថុចម្រុះទាំងនេះគឺជាគំនិតសម្រាប់អង្គការសមាជិកពិចារណា ដើម្បីជាជម្រើស និងភាពចម្រុះនៃមូលនិធិ សម្រាប់ភាពធន់។