ប័ណ្ណសមធម៌ជួយសម្រាលបន្ទុកគ្រួសារក្រីក្រ និងបង្កើនលទ្ធភាពទទួលបានសេវាសុខភាពទូទៅ

លោកពូ ព្រឹម ហ៊ាន  រស់នៅភូមិពោធិ៍ ឃុំពោធិ៍ ស្រុកត្បែងមានជ័យ ខេត្តព្រះវិហារ។ គ្រួសាររបស់លោកពូមានសមាជិកសរុប ១១ នាក់ ក្នុងនោះកូនអាយុក្រោម ១៨ ឆ្នាំមានចំនួន ៧ នាក់។ ប្រភពចំណូលសំខាន់សម្រាប់គ្រួសាររបស់គាត់ពឹងផ្អែកលើការធ្វើស្រែបន្តិចបន្តួច ដងជ័រទឹក ដកផ្សិត នារដូវស្សា និងស៊ីឈ្នួលដកដំឡូង រើសគ្រាប់ស្វាយចន្ទីគេនៅក្នុងសហគមន៍។ លោកពូ បានបន្ថែមថា 1ខែ គាត់ទៅដងជ័រពីរដង ទៅម្ដងៗបានចន្លោះពី 5-6 កាន ហើយតម្លៃជ័រចន្លោះពី ៧ទៅ៨ម៉ឺនរៀលក្នុង១កាន។