កិច្ចប្រជុំស្តីពី ការឆ្លុះបញ្ចាំងអំពីការប្រតិបត្តិល្អរបស់អង្គការសហគមន៍មូលដ្ឋាន និងការយល់ដឹងអំពីក្របខណ្ឌច្បាប់

Speaker By:

Venue: Diakonia Centre

Date: 28 Jun-28 Jun 2018

Time: 1:00 PM-5:00 PM

នៅរសៀលថ្ងៃទី ២៨ ខែមិថុនា ឆ្នាំ២០១៨ គណៈកម្មាធិការសហប្រតិបត្តិការដើម្បីកម្ពុជា (គ.ស.ក) បានរៀបចំកិច្ចប្រជុំស្តីពីការឆ្លុះបញ្ចាំងអំពីការប្រតិបត្តិល្អរបស់អង្គការសហគមន៍មូលដ្ឋាន និងការយល់ដឹងអំពីក្របខណ្ឌច្បាប់។ កិច្ចប្រជុំនេះមានអ្នកចូលរួមចំនួន ៤០ ទៅ ៥០ នាក់ មកពីអង្គការមិនមែនរដ្ឋាភិបាលក្នុងស្រុក និងអង្គការសហគមន៍មូលដ្ឋាន នៅខេត្តកណ្ដាល កំពត កែប កំពង់សោម កោះកុង បាត់ដំបង សៀមរាប ពោធិ៍សាត់ កំពង់ធំ ។

កិច្ចប្រជុំនេះត្រូវបានរៀបចំធ្វើឡើងនៅ ដាយកូនៀ សិនធ័រ ភ្នំពេញ។ ជាទូទៅ កិច្ចប្រជុំនេះមានគោលបំណងបី សំខាន់ៗ៖

១. ដើម្បីធ្វើការឆ្លុះបញ្ចាំង ថាតើអង្គការសហគមន៍មូលដ្ឋានធ្វើការប្រតិបត្តិតាមគោលការណ៍ណែនាំស្ដីពីការប្រតិបត្តិល្អរបស់អង្គការសហគមន៍មូលដ្ឋាន និងអភិវឌ្ឍសហគមន៍របស់គាត់បានដល់កម្រិតណា

២. ដើម្បីស្វែងយល់ពីបញ្ហាប្រឈមរបស់អង្គការសហគមន៍មូលដ្ឋាន និងតម្រូវការគាំទ្រពីអង្គការ គ.ស.ក និងអង្គការសង្គមស៊ីវិលដទៃទៀត

៣. ដើម្បីឲ្យអង្គការសហគមន៍មូលដ្ឋានត្រៀមខ្លួនសម្រាប់កិច្ចពិគ្រោះយោបល់ថ្នាក់ជាតិស្តីពី «ការអភិវឌ្ឍគោលនយោបាយ និងក្របខណ្ឌច្បាប់ពាក់ព័ន្ធនឹងអង្គការសង្គមស៊ីវិល»