វេទិកាសិក្សាលើកទី ២ ស្ដីពី ការឆ្លុះបញ្ជាំងអំពីការប្រតិបត្តិរបស់អង្គការសហគមន៍មូលដ្ឋាន ដើម្បីលើកកម្ពស់អភិបាលកិច្ចល្អ និងនិរន្តរភាព

Speaker By: KAO Peou Leakhna

Venue: Kep

Date: 12 Dec-13 Dec 2017

Time: 8:00 AM-5:00 PM

នៅថ្ងៃទី ១២ និងទី១៣ ខែធ្នូ ឆ្នាំ២០១៧ គណៈកម្មាធិការសហប្រតិបត្តិការដើម្បីកម្ពុជា (គ.ស.ក) រួមទាំងអង្គការមិនមែនរដ្ឋាភិបាលក្នុងស្រុកចំនួន ០៥ទៀត ដូចជា មជ្ឈមណ្ឌលអភិវឌ្ឍន៍កុមារ និងស្ត្រីនៅកម្ពុជា សម្ព័ន្ធភាពដើម្បីអភិរក្សធនធានជលផល ខេមរអភិវឌ្ឍន៍សហគមន៍ មជ្ឈមណ្ឌលម្លប់ព្រហ្មវិហារធម៌ និងអង្គការសាមគ្គី បានសហការគ្នារៀបចំវេទិកាសិក្សាស្ដីពីការឆ្លុះបញ្ចាំងការប្រតិបត្តិរបស់អង្គការសហគមន៍មូលដ្ឋាន ដើម្បីលើកកម្ពស់អភិបាលកិច្ចល្អ និងនិរន្តរភាព។

វេទិកាសិក្សានេះមានអ្នកចូលរួមចំនួន ៤០ នាក់ មកពីអង្គការសហគមន៍មូលដ្ឋាន នៅខេត្តកណ្ដាល និងតាមបណ្ដាខេត្តនៃតំបន់ឆ្នេរ រួមមានខេត្តកំពត កែប កំពង់សោម និងកោះកុង។

កិច្ចប្រជុំនេះត្រូវបានរៀបចំធ្វើឡើងនៅសណ្ឋាគារកែបបេ ខេត្តកែប។ ជាទូទៅ កិច្ចប្រជុំនេះមានគោលបំណងបួន សំខាន់ៗ៖

១. ដើម្បីធ្វើការឆ្លុះបញ្ចាំង ថាតើអង្គការសហគមន៍មូលដ្ឋានធ្វើការប្រតិបត្តិល្អតាមគោលការណ៍ណែនាំស្ដីពីការប្រតិបត្តិល្អរបស់អង្គការសហគមន៍មូលដ្ឋាន និងអភិវឌ្ឍសហគមន៍របស់គាត់បានដល់កម្រិតណា

២. ដើម្បីផ្ដល់ឱកាសដល់អង្គការសហគមន៍មូលដ្ឋានក្នុងការពិភាក្សាស្វែងរកការវិធីសាស្ត្រល្អមួយដើម្បីនិរន្តរភាពសម្រាប់សហគមន៍ពួកគាត់

៣. ដើម្បីប្រើប្រាស់នូវយោបល់ត្រលប់ពីអ្នកចូលរួម ដែលអាចធ្វើអោយប្រសើរថែមទៀតនូវការប្រតិបត្តិរបស់អង្គការសហគមន៍មូលដ្ឋាន

៤. ដើម្បីបន្តការផ្សព្វផ្សាយសៀវភៅគោលការណ៍ណែនាំស្តីពីការប្រតិបត្តិល្អរបស់អង្គការសហគមន៍មូលដ្ឋាននៅប្រទេសកម្ពុជា