វេទិកាសិក្សាស្ដីពី

ការឆ្លុះបញ្ជាំងអំពីការប្រតិបត្តិរបស់អង្គការសហគមន៍មូលដ្ឋាន

ដើម្បីលើកកម្ពស់អភិបាលកិច្ចល្អ និងនិរន្តរភាព

កាលពីថ្ងៃទី ០៧ និងទី០៨ ខែវិច្ឆិកា ឆ្នាំ២០១៧ គណៈកម្មាធិការសហប្រតិបត្តិការដើម្បីកម្ពុជា (គ.ស.ក) អង្គការបន្ទាយស្រី សម្ព័ន្ធភាពដើម្បីអភិរក្សធនធានជលផល អង្គការមនុស្សចាស់កម្ពុជា អង្គការពន្លឺកុមារ និងអង្គការក្រុមទ្រទ្រង់ភូមិ បានសហការគ្នារៀបចំវេទិកាសិក្សាស្ដីពីការឆ្លុះបញ្ជាំងការប្រតិបត្តិរបស់អង្គការសហគមន៍មូលដ្ឋាន ដើម្បីលើកកម្ពស់អភិបាលកិច្ចល្អ និងនិរន្តរភាព។

វេទិកាសិក្សានេះមានអ្នកចូលរួមចំនួន ៥០ នាក់ មកពីអង្គការសហគមន៍មូលដ្ឋាន នៅតាមបណ្ដាខេត្ត ពោធិ៍សាត់ បាត់ដំបង សៀមរាប។

កិច្ចប្រជុំនេះត្រូវបានរៀបចំធ្វើឡើងនៅសណ្ឋាគារខេមរា ខេត្តបាត់ដំបង។ ជាទូទៅ កិច្ចប្រជុំនេះមានគោលបំណងបួន សំខាន់ៗ៖

១. ដើម្បីធ្វើការឆ្លុះបញ្ចាំង និងទទួលយកយោបល់ត្រលប់ពីសិក្ខាកាម ដែលបានចូលរួមវគ្គបណ្តុះបណ្ដាលកន្លងមក បានយកចំណេះដឹងនេះទៅអនុវត្តក្នុងអង្គការសហគមន៍មូលដ្ឋាន និងអភិវឌ្ឍសហគមន៍របស់គាត់បានដល់កម្រិតណា

២.   ដើម្បីផ្ដល់ឱកាសដល់អង្គការសហគមន៍មូលដ្ឋានក្នុងការពិភាក្សាស្វែងរកការវិធីសាស្ត្រល្អមួយដើម្បីនិរន្តរភាពសម្រាប់សហគមន៍ពួកគាត់

៣. ដើម្បីប្រើប្រាស់នូវយោបល់ត្រលប់ពីអ្នកចូលរួម ដែលអាចធ្វើអោយប្រសើរថែមទៀតនូវការប្រតិបត្តិរបស់អង្គការសហគមន៍មូលដ្ឋាន

៤. ដើម្បីបន្តការផ្សព្វផ្សាយសៀវភៅគោលការណ៍ណែនាំស្តីពីការប្រតិបត្តិល្អរបស់អង្គការសហគមន៍មូលដ្ឋាននៅប្រទេសកម្ពុជា