មូលនិធិអង្គការសង្គមស៊ីវិល

ជាទូទៅអង្គការសង្គមស៊ីវិលក្នុងប្រទេសកម្ពុជាពឹងផ្អែកទៅលើជំនួយពីបរទេស ឬសហគមន៍អន្តរជាតិ។ ចាប់តាំងពីឆ្នាំ២០១៥មក មូលនិធិសម្រាប់អង្គការសង្គមស៊ីវិលត្រូវបានជួបបញ្ហាប្រឈម ខណៈដែលជំនួយសម្រាប់ការអភិវឌ្ឍជាផ្លូវការ ត្រូវបានធ្លាក់ចុះប្រហែលជា១៤%។ មានម្ចាស់ជំនួយ និង អង្គការអន្តរជាតិមួយចំនួន បានផ្លាស់ប្តូរអាទិភាព និងជំនួយរបស់ខ្លួនចេញពីប្រទេសកម្ពុជា  ដោយសារតែកម្ពុជាមានកំណើនសេដ្ឋកិច្ច និងកម្រិតនៃភាពក្រីក្រមានការធ្លាក់ចុះ ព្រមទាំងបានកែប្រែមុខមាត់ទៅជាប្រទេសដែលមានប្រាក់ចំណូលមធ្យមកម្រិតទាប។

អង្គការគណៈកម្មាធិការសហប្រតិបត្តិការដើម្បីកម្ពុជា (គ.ស.ក) បានរៀបចំ កម្មវិធីអភិបាលកិច្ច រយៈពេល៥ឆ្នាំ (២០១៧ - ២០២១) ដើម្បីជួយឲ្យអង្គការសង្គមស៊ីវិលមានឱកាសក្នុងការកៀរគរមូលនិធិ និងសម្រាប់ជួយនិរន្តរភាពហិរញ្ញវត្ថុ  តាមរយៈដូចជាការបង្កើតមូលនិធិសម្រាប់អង្គការសង្គមស៊ីវិល  និងការផ្តល់ការបណ្តុះបណ្តាលអំពីការកៀរគរធនធានជាដើម។  ដូច្នេះកម្មវិធីអភិបាលកិច្ច មិនមែនតែផ្តល់អត្ថប្រយោជន៍ដល់អង្គការ គ.ស.ក ប៉ុណ្ណោះទេ  ប៉ុន្តែថែមទាំងជួយដល់អង្គការសង្គមស៊ីវិល និងការអភិវឌ្ឍទាំងមូលផងដែរ។

បច្ចុប្បន្ននេះ អង្គការ  គ.ស.ក កំពុងអនុវត្តគម្រោងស្តីពី ការពង្រឹងសង្គមស៊ីវិលសម្រាប់ការអភិវឌ្ឍតាមបែបប្រជាធិបតេយ្យប្រកបដោយចីរភាពនៅកម្ពុជា  ដែលជាការផ្តល់ហិរញ្ញប្បទានរួមគ្នាដោយសហភាពអឺរ៉ុប (EU) និងអង្គការ Bread for the World (BfdW) សម្រាប់រយៈពេល ៤២ខែ ដោយគិតចាប់ផ្តើមពីថ្ងៃទី០១ ខែមេសា ឆ្នាំ២០១៧ទៅ។

គម្រោងនេះក៏នឹងផ្តល់ឱកាសដល់អង្គការសង្គមស៊ីវិល ជាពិសេសអង្គការបណ្តាញតាមខេត្ត ដើម្បីទទួលបានមូលនិធិបន្ត។

តាមរយៈគម្រោងនេះ  អង្គការ  គ.ស.ក រំពឹងថាមូលនិធិសម្រាប់អង្គការសង្គមស៊ីវិលត្រូវបានចងក្រងទុកជាឯកសារត្រឹមត្រូវ  និងធ្វើជាផែនទីធនធានសម្រាប់អង្គការសង្គមស៊ីវិល ម្យ៉ាងទៀតយើងនឹងរៀបចំជាប្រព័ន្ធ និងមានយន្តការច្បាស់លាស់សម្រាប់ប្រើ និងគ្រប់គ្រងមូលនិធិសម្រាប់អង្គការសង្គមស៊ីវិល ដើម្បីឆ្លើយតបទៅនឹងនិន្នាការនៃការអភិវឌ្ឍ  និងគោលដៅអភិវឌ្ឍន៍ប្រកបដោយចីរភាព ឲ្យកាន់តែមានប្រសិទ្ធភាព និងនិរន្តរភាព  ហើយអនុសាសន៍ជាយុទ្ធសាស្ត្រ  សម្រាប់ការកៀរគររកមូលនិធិត្រូវបានចងក្រងឡើង។

Event Calendar
06 Jun 2019, Local Fundraising Training (Introductory workshop for leaders)
13 Jun 2019, Mobilising Support Training
21 Jun 2019, Monitoring and Evaluation Learning Forum